Etxean, hobeto
ETE eta KAE1 ligetako lehen bi estropadak jokatu dira asteburuan. Larunbatean lortutako emaitzak igandean hobetu egin dituzte Batelerek eta San Pedrok.
'Batelerak' eta 'Libia' traineruak, atzo lehian.Pasaiako Udala ETE, KAE1 eta KAE2 arraun ligak hasi dira asteburuan. KAE2ri dagokionez, garaipen handia lortu zuen Hibaikak larunbatean. Pasaitarren presentzia ETEn eta KAE1en izan zen, larunbatean Astilleron eta atzo (igandea) etxean, badian: San Juanen emakumeen traineruak eta San Pedroko gizonenak parte hartu zuten horietan.
Batelerei dagokienez, bikaintzat eman daiteke haien asteburua. Larunbateko Astilleroko estropadan bigarren izan ziren Zarautzen atzetik, haiengandik zazpi segundora. Atzo, berriz, herriko Adinberri-XII. Pasaiako Ikurrina banderan, ia-ia bere egin zuten trapua, Zarautzek azken txanpa zirraragarri batean arrosen grinari eutsi, eta 15 ehuneneko aldearekin bere egin zuelako garaipena. Asteburuko bi estropadetan hirugarren izan zirenak (larunbatean Kaiku, eta atzo Deusto) Batelerak trainerutik urrun geratu ziren. Beraz, eta lehen bi proba horietan ikusitakoaren arabera, ETE ligaren eta beraz igoerarako play-offerako postuen borrokan San Juan eta Zarautz izango dira.
San Pedrok, aldiz, larunbateko estropadan bederatzigarren postua eskuratu zuen, emaitza etsigarria moreentzat. Atzo, lehen txandatik hasita, erlojupeko antzekoa egin zuen oso erraz irabazi zuelako Libia-k bere txanda herritarren aurrean, eta beste bi txanden emaitzen zain gelditu zirelako ea berpiztea egiazkoa zen jakiteko. Hala izan zen: atzoko sailkapen nagusian laugarren gelditu arren, kolorerik ez larunbatean lortutako emaitzarekin. Moreek erakutsi zuten II. Adinberri-XL. Pasaiako Ikurrina Banderan goian izateko gai direla, eta ohorezko txandan izateko maila dutela, eta zergatik ez, play-off postuak bere egin ditzaketela. Bai larunbateko zein igandeko estropadak gaindiezin dirudien Santurtzik irabazi zituen.
Larunbateko zein igandeko emaitzak, eta sailkapen nagusiak ikusteko, baliatu ondoko loturak:
