Tratu onak josi dituzte Gaztañon
200 nerabe baino gehiagoren artean jositako 'Tratu Onen Arpillera' erakusketaren estreinatu dute Gaztañon baita I. Emakumeen Pala Txapelketa Herrikoia antolatu ere. Horien balorazio ezin hobea egin dute.
Gazteek sortutako lana eta pala txapelketan aritu direnetako batzuk.Abako 200 nerabek elkarlanean jositako lana aurkeztu zuten Gaztañoko jaietan, Tratu Onen Arpillera. Horren atzean, Abako joskintza terapiako euskal elkarte soziokultural berria dago, eta erakusketa Gaztañoko jai batzordearen laguntzarekin estreinatu dute. 200 nerabeak, titulaziorik gabeko gazteak direla azaldu du abako elkarteak, ” eta bi ikasturtez Gipuzkoan akonpainatuak izan dira, beraiekiko loturak eta komunitate begiradaren eraldaketa garatzeko. 6×6 metroko neurria duen Tratu Onen Arpillera bere performatze izaeraren bitartez, buru osasuna zaintzen du eta elkartu eta bateratzen ditu komunean nota txarrak baino ez dituzten gazteak”.
Erakusketa ibiltaria da eta beste frontoi eta plazak betetzeko asmoz egina dagoela azaldu dute arduradunek.
Abakotik emakumeak elkarrekin palan jokatzeaz gozatzera deitu dituzte, bestalde “emakume pilotarien taldeek hasitako borrokarekin jarraituz, emakumeen joko herrikoi zein profesionala bultzatzeko eta berpizteko. Baita Agustina Otaola omentzeko ere”.
Hori horrela, Errenteriako I. Emakumezkoen Pala Txapelketa herrikoia antolatu dute Gaztañoko jaien testuinguruan
Muchas Telas eta Txatxala sortaileen laguntzarekin sortutako peto urdin eta gorri ederrak soinean. Bertan, 40 emakume inguruk parte hartu dute, 10 eta 65 urte bitartekoak, haietako batzuk titulaziorik gabeko nerabeen ama, tutore, irakasle eta amonak izanik.
Finala joan dena stelehenean, hilak 23, jokatu zuten. Sari bera jaso zuten parte hartzaile guztiek: Maritxu Sorgina eskuz brodatua zuen txapela more bana. Emozioz, ilusioz eta itxaropenez betetako jardunaldi
dibertigarria izan zela azaldu dute Abakotik, Gaztañon “erreferente maitatua” den Carmen Llopis eta Emeki Emakume
Elkarteak egin zuten sari banaketa. Llopisek esandakoa nabarmen jarri dute Abakotik, “joskintzaren bitartez bihotzak
elkartzen dira”.
