Sanpedroak, azken txanpan
Gaur bukatuko dira San Pedroko festak. Azken eguna bada ere, sanpedrotarrek ekintza mordoa dituzte oraindik aurretik. Goizean kirola izan da protagonista haur lasterketarekin eta futbol partidekin.
Sanpedroak azken txanpan sartu dira. Ordu gutxi geratzen dira aurtengo festei agur esateko. Hala ere, eta eguraldia lagun, sanpedrotarrek jarduera mordoa dituzte aurretik festa giroaz disfrutatzen jarraitzeko. Goizean, kirola izan da protagonista. Lehenik eta behin, tratu onaren aldeko haur lasterketa egin da, eta lasterka aritu ondoren, gazteek futbol partidak jokatu dituzte frontoian. Harmailak bete eta jende mordoa gerturatu da haurrekin batera gozatzera. Partidak bukatu ondoren, Txokon bazkalduko dute haurrek.
Jarduerak ez dira hor etengo, programazioak jarraipena izango baitu arratsaldean. 16:00etan, buruhandi, buruarin eta zezentxoek San Pedro girotuko dute. 18:00etan, Goazen Naiten txanda izango da, frontoian. 20:00etan, Modestok dantzan jarriko ditu frontoian bildutakoak. Azkenik, 22:00etan, zezensuzkoarekin itxiko dira aurtengo sanpedroak.
HITZA goizeko futbol partidetan izan da. Hona hemen hainbat argazki:
