Etxe kaleratze bat atzeratzea lortu dute
Errenteriako Udalaren esku hartzearekin bihar egitekoak ziren etxe kaleratzea hiru hilabetez atzeratzea lortu dutela jakinarazi du Gipuzkoako Stop Kaleratzeak plataformak.
Gipuzkoako Stop kaleratzeak plataformaren artxiboko irudia Errenteria-Oreretako emakume bat eta haren semea etxetik kaleratzeko agindua eman du Donostiako lehen instantziako bosgarren epaitegiak. Bihar egitekoak ziren etxe kaleratze hori. Errenteriako Udalaren esku hartzeak baina, erabaki hori behin behinean etetea lortu du Gipuzkoako Stop kaleratzeak plataformak jakinarazi duenez.
Hori horrela, bihar egitekoak ziren etxe kaleratzea, urriaren 13ra arte atzeratzea lortu dute.
Demandatzaileak, Caixabank-Building Center, etxe kaleratzea hiru hilabetez atzeratzea eskatu dio epaitegiari.
Etxe kaleratzeen kontrako plataformak jakinarazi du, gainera, epaileak autoa eman du hilaren 10ean sententzia berretsiz, eta hortaz, etxe kaleratzea, “etxe kaleratu nahi duten familiak Auzitegi Konstituzionalean hilaren 8an aurkeztutako babes errekurtsoak ez duela sententzia geldiarazten, ezta demandatzaileak etxea berreskuratzeko eskubidea, nahiz eta familia zaurgarria izan”.
Hiru hileko eteteak “arnasaldia” emango diela familiari eta Stop kaleratzeak plataformari esan du azken horrek, “Caixabank errentatzailearekin epaitegi eta elkarrizketa bideak berrartzeko aukera eskaintzen digu oporren ostean atzerapenak, familia honek duen zaurgarritasun egoera eta Errenteriak duen bizitegi larrialdia kontuan hartuko dituen bizitegi alternatiba bat aurkitzeko”.
