Azken txanpan sartu dira Trintxerpeko karmenak
Asteburu latzaren ondoren, atzo eta gaur arnas hartzeko egunak dituzte trintxerpetarrek, baina gelditu gabe. Biharkoa, egun handia.
Atzoko familien danborradako talde argazkia.Trintxerpeko Jai batzordea Laugarren eguna beteko dute gaur (asteartea) Trintxerpeko Karmengo Amaren festek. Ostiralean hasi ziren, eta asteburuko indarraldiaren ondoren, atzokoa arnas hartzeko eguna izan zuten nolabait trintxerpetarrek, baina gelditu gabe. Izan ere, atzoko egun osoan zehar ere izan zirelako egitarauaren barruko ekitaldiak, jendetsuena arratseko familien danborrada izan zelarik (irudian).
Gaur goizean haurrentzako puzgarriak izango dira Serafin Esnaola plazan (11:30etik), baita Garaguneko kideei esker tailerrak ere. Arratsaldeko unerik gorenenak Azkuenen egitekoa den patata tortilla txapelketa (18:00) eta Serafin Esnaola plazako erromeria dira (19:00).
Biharkoa (asteazkena) da karmenen egun handia, Karmengo Amaren Eguna. 17:00etako marinelen danborrada izango da eguneko unerik esanguratsuena.
Beheko koadroan, gaurko eta biharko egitarauak.
Trintxerpeko karmenak. Gaurko eta biharko egitarauak.
Hilak 15, asteartea
- 11:30: Puzgarriak, Serafin Esnaola plazan.
- 12:00: Garagunekoekin tailerrak, Serafin Esnaola plazan.
- 17:00: Adin guztietarako fabulak, Alkateordetzan.
- 18:00: Edu magoa, Gudari plazan.
- 18:00: Tortilla txapelketa, Azkueneko parkean. Ekarri etxetik! Ondoren, sari banaketa eta dastaketa.
- 19:00: Karmengo Amaren hirurrena, Karmengo Amaren elizan. Karmengo kofradiaren meza, parrokiako abesbatzarekin (zuzendaria: Limbania Soto).
- 19:00: Erromeria, Serafin Esnaola plazan.
- 23:00: Karaokea, Gudari plazan.
Hilak 16, asteazkena
- 12:00: Karmengo Amaren omenezko meza nagusia, parrokiako abesbatzarekin (Zuzendaria: Limbania Soto).
- 12:30: Apar festa, Gudari plazan.
- 17:00: Marinelen danborrada. Ibilbidea: eliza, kaia, pantalanean ontziratu, itsas ibilbidea Torreraino, pantalanera itzuli, Euskadi etorbidea, Jaizkibel kalea,Ulia, Andonaegi, Arrandegi, Serafin Esnaola plaza, Gudari plaza, Euskadi etorbidea eta eliza.
- 18:00: Erraldoiak eta buruhandiak Illunbeko txistulariekin. Ibilbidea: Azoka, Correos, Euskadi etorbidea, Serafin Esnaola, Gudari plaza eta Azoka (segurtasunagatik buruhandiak pistetan eta plazetan baino ez dira ibiliko).
- 19:00: Familientzako DJ Mikeltxi, Serafin Esnaola plazan.
- 21:30: Zezensuzkoa, Gernika plazan.
