Madalenetako haur krosa antolatu du aurten ere EAJ-k
Hamaseigarrenez egingo dute haur krosa. Hilaren 24an izango da, 12:00etan.
Iazko krosaren irudi bat. Aurten ere antolatu du alderdi jeltzaleak Madalenetako Haur Krosa. Hamaseigarren ekitaldia izango du, eta ohi bezala hilaren 24an egingo du, 12:0etan hasita. Abiapuntua, Koldo Mitxelena plaza izango da, baita helmuga ere, erdialdeko kaleak zeharkatuta bertan bukatuko baitute lasterketa parte hartzaileek.
Urtero bezala, omenduko dute eragile bat krosaren testuinguruan. Mindara elkartea izango da omendutako elkartea, zehazki, “egiten ari den ibilbide luze eta oparoarengatik, herrian kirol egokitua sustatzeko egiten duten lana aintzatetsi eta eskertzeko, gainditze ahalegin balio indibidual zein kolektiboen eragile aktibo gisa”.
Errenteriako EAJk haur guztiak deitu ditu plazara hurbildu eta krosean parte har dezaten; baita Mindara elkarteko kide, jarraitzaile eta lagun guztiei omenaldian parte har dezaten. Bukatzeko, jai zoriontsuak opa dizkie herritar guztiei, “pozez eta alaitasunez ospa ditzagun herriko jaiak”.
