Listorretara ibilaldi gidatuak antolatu dituzte
Abuztuaren 10, 29 eta irailaren 5ean izango dira ibilaldiak. Gipuzkoako Parketxe sareak antolatu ditu, Errenteriako Udalarekin lankidetzan.
Aiako Harrian kokatutako Listorreta aisialdi gunera ibilaldiak antolatu dituzte Gipuzkoako Parketxe Sareak eta Errenteriako Udalak elkarlanean.
Igandean, hilaren 10ean, Listorretatik abiatu eta Aiako Harria natura parkea ezagutzeko ibilaldia izango dute, eta”natura parkearen altxorretako batzuk gertutik ezagutzeko aukera izango dute txango motz baten bidez”. Hilaren 29an errepikatuko dute txangoa.
Irailaren 5ean, ordea, “saguzarren mundu harrigarria hurbiletik ezagutzeko aukera” izango dute Lander Olasagastiri esker. Azalpenez gain, “detektagailu berezi” batzuen bidez saguzarrak entzuteko aukera izango dute bertaratuek, eta “adi behatuz gero”, baten bat ikusteko aukera ere izan dezakete.
Aurretik izena ematea beharrezkoa izango da, eta horretarako 94349 42 48 edo 866 89 50 68 zenbakietara deitu edo arditurri@gipuzkoanatura.eus helbidera idatzi daiteke.
