Herritarren babesa behar dute Hibaikako gizonek
KAE 1 ligara igotzeko play-offak jokatuko dituzte datorren hilaren 30 eta 31n, Portugaleten eta Castron. Autobusa antolatzea aztertzen ari da taldea.
Hibaikako Gizon seniorren trainerua etxean jokatutako estropadan. Argazkia: Dani Novas Asteburu ia biribila izan da Hibaikako gizonentzako, bigarren izan baitira KAE 2 ligako asteburu honetako jardunaldian. Eskuratutako puntuei esker sailkapen orokorreko bigarren postuan jarraitzen du taldeak, eta dagoeneko KAE 1 ligara igotzeko play-offean txoko bat egin du. Hilaren 30 eta 31n izango dira final handi horiek, eta taldeak etxekoen babesa senti dezan, bidaia antolatzeko lanetan dabil Hibaika. Portugaleten eta Castro Urdialesen (Espainia) izango dira play-offak.
Autobusa atera ez edo erabakitzeko pertsona kopurua kalkulatu nahi dute klubekoek, eta horretarako galdetegi bat prestatu dute, lotura honetan bete daitekeena.
Bidaia doakoa izango bada ere, autobusaren kostuari aurre egiten laguntzeko edonolako ekarpena ere ongi etorria izango dela diote taldeko iturriek.
