Gaza etorbidean azaldutako pintaketa faxistak ezabatu dituzte
Palestinako bandera irudikatzen duen mural gainean egin dituzte azken egunetan pintaketa faxistak eta sionismoaren aldekoak. Dagoeneko ezabatu dituzte guztiak.
Genozidioa bukatzea eskatzen duen irudia, Beraun auzoan. Gazak bizi duen egoera ikusarazi eta Israelek palestinarren aurka indarrean duen genozidioa bertan behera uztea eskatzeko iniziatiba berria egin zuen Orereta Palestinarekin herri dinamikak joan den apirilean. Horretarako Errenteria-Orereta eta Oiartzun arteko bidegorrian Gaza etorbidea izendatu zuen dinamikak, Palestinako bandera handia irudikatuta bertan, baita Israelek Palestinaren aurka indarrean duen genozidioa zenbakitan bistarazten duten hainbat informazio txartel eseki ere.
Palestinarekiko elkartasun keinu horri eraso egin diote ezezagunek azken egunetan, eta muralaren gainean, sinbolo naziak eta sionismoaren aldeko mezuak jarri dituzte.
Pintaketa faxistak ezabatu, eta Palestinaren aldeko aldarriak hartu du elkartasun etorbideak berriro. Mezu argia zabaldu dute gainera: “Gure herrian ez ditugu adierazpen nazi edo sionistak onartuko. Isiltasuna eta pasibotasuna dira faxisten erregaia euren pozoia zabaltzeko”. Palestinarekiko elkartasun mezua berretsi dute, halaber, “atzera pausurik ez dugu emango Palestinaren aldeko elkartasunean eta faxismoaren kontrako borrokan”.
Ez da Palestinaren alde eta genozidioa bukatzeko eskatzeko iniziatiba bakarra, helburu berarekin hainbat irudi zabaldu dituzte herrian barrena. Albistean agertzen dena, Beraun auzoan jarri dute.
Ondoko bideoa sare sozialetan zabaldu dute.
Pintaketa faxista mural gainean.
