Iraila, Oiartzunen kultura loratuko den hilabetea
Kultura ekitaldien berri eman dute. Abuztuko ia lehortearen ondoren, kultur ekitaldien ugaritasuna bueltatuko da berriro.
Pez Linboren 'Itsas behera' izango da antzerkizaleen programazioko estreinako lana. Datorren astelehenean izango da iraileko lehen eguna. Abuztuan kultur ekitaldien lehortea egoten da Oiartzunen —festak aparte utzita, betiere—, eta herriko eragileek zein erakundeek antolatutako ekitaldiek beteko dituzte agendetako egunak.
Herriko auzoetako tourraren azkeneko bi etapak izango dira. Azken aurrekoa, Gurutzen. Iraileko lehenengo bi asteburutan banatuko dituzte ekitaldiak. Azkeneko asteburua, berriz, Ugaldetxoko festentzako izango da.
Poesiarentzako egunak izango dira, baita ere, irailaren 5etik 11ra bitartekoak. Antzerkia ere bueltatuko da, baita zinema saioak ere. Kantagiltzaren zikloak jarraipena izango du, Sünerekin (bihar, hilak 29, jarriko dituzte sarrerak salgai Kastron).
Ikasturtea hasiko dela eta, haurrentzako hileroko ipuin-kontaketa saioa ere izango da. Bestalde, Heltak eta Killirikupe Emakume Taldeak beraien ikasturteen izen emate epea hastea eta aurkezpena egingo dituzte, hurrenez hurren.
Comete Sarea
Etxeetan banatutako agendan agertzen ez den beste deialdi bat ere izango da: Comete Sarearen XXIV. Oroitzapenezko Ibilaldia, Ziburutik Oiartzunera. Sarobe baserrian egingo duten ekitaldiarekin amaituko dute bidea, irailaren 14an 13:30ean.
Iraileko kultur agenda
