Olana, Koldobike Gezala babesteko
Herriko pilotaleku estaliaren zati irekian olana jarri du udalak, hiru zatikoa. Horrela euria eta hautsa, nahiz haizea ez dira sartuko hara.
Olana, jada jarrita.Lezoko Udala Lezoko Udalak Koldobike Gezalan olana edo lona iraunkorra jarri du. Zehazki, herriko pilotaleku estaliaren albo bateko (harmailak daudena) zati irekia estaltzeko funtzioa izango du olanak, handik kantxara euria edo hautsa sar ez dadin, eta aldi berean barrualdea haizetik babesteko. Neguan batez ere eskertuko dute kirol azpiegituraren erabiltzaileek olana jarri izana. Ez da zati bakarrekoa; hiru atal independente ditu. 11.000 euroko inbertsioa egin du udalak.
Hiru zatiko olana denez, itxitura osoa edo partziala izan daiteke, betiere beharren arabera erabakiko delarik pilotalekua guztiz edo zati batean itxi.
Aurretik, jarduera zehatz batzuetarako jarri izan da pilotalekuan olana; udalak lona hori alokatu egiten zuen, eta muntaketa-desmuntaketa lanetan izango den denbora aurrezkiaz gainera, kostu ekonomikoak ere murriztuko direla adierazi dute herriaren etxeko ordezkariek.
