Karlos Odriozola eta Alaitz Zudaire: bi memorial asteburu berean
Futbolzaleek bi hitzordu izango dituzte asteburuan fanderiako futbol zelaian.
Futbolzaleek bi hitzordu izango dituzte asteburuan fanderiako futbol zelaian. Karlos Odriozola Memorialaren XIV ekitaldia jokatuko da bertan Touring Kirol elkarteak antolatuta larunbat arratsaldean. Gazte Mailako txapelketa da, eta 18:30ean hasiko da. Partida bakarra jokatuko dute: Touring kirol Elkartea eta Hernani ariko dira aurrez aurre.
Alaitz Zudaireren oroimenezko XIV txapelketa, berriz, igandean jokatuko dute. Honakoa ere Touringek antolatu du, eta txapelketa batean zein bestean, Errenteriako Udalarekin elkarlanean aritu da. Emakume afizionatu mailan jokatuko da txapelketa, eta triangeluarra izango da. Parte hartzen duten taldeek ligaxka moduan jokatuko dute, itzuli bakarrera.
Touring Kirol Elkarteaz gain, Aiztondo eta Elgoibarko emakumeen taldeek hartuko dute parte. 10:30ean izango da lehenengo partida eta Aiztondo eta Elgoibar ariko dira lehian; 11:30ean, berriz, Touringek aurreko partida galdu duen taldearen kontra egingo du, eta 12:30ean, Touringek irabazlearen kontra. Bi hitzorduetarako sarrera doakoa izango da.
