Hainbat diziplinetan zabalik da matrikulazioa Herri Arte Eskolan
Zalantzan ibili edota matrikula azken unera arte utzi dutenek badute oraindik ere musika, dantza eta arte eszenikoen munduarekin bat egiteko aukera.
Herri Arte Eskolako musika ikasleen artxiboko irudia. Argazkia: Herri Arte Eskola. Herri Arte Eskolak oraindik ere matrikulazioa zabalik duela hainbat diziplinetan jakinarazi berri du. Horrela bada, zalantzan ibili edota matrikula azken unera arte utzi dutenek badute oraindik ere musika, dantza eta arte eszenikoen munduarekin bat egiteko aukera. Hori bai, beti ere, oraindik ere zabalik diren diziplinetan murgildu nahi badute.
Oraindik ere matrikulatzeko aukera ematen dutenak, ondoren. Hastapen artistiko diziplina anitzan 5, 6 eta 7 urteko haurrentzako taldeetan aukera dago. Arte plastikoen eta ikusizkoen kasuan, hiru taldeetan izena emateko aukera dago: Sormen proiektuetan 8-9 urte arteko haurrei begira astelehen eta asteazkenetako 19:00etatik 20:00etarako taldean; Ilustrazioa 18 urtetik gorakoentzat ostiraletako 15:30etik 17;30era arteko saioan; eta Marrazketa, komikia eta animazioan 12-18 urte bitarteko gazteei begirako astelehenetako 15:30etik 17:00ak arteko saioan.
Euskal, dantza, klakea eta balletean ere badira oraindik ere plazak, eta matrikula egiteko aukera beraz. Zehazki Euskal dantzan 8-9 urteko hasi berrientzako saioan; Balletean 8-9urte arteko hasi berrientzat eta 18 urtetik gorako ostiraletako 18:00etatik 19:30era arteko saioan; eta klakean 8-9 urte arteko hasi berrien tailerrean.
Antzerkian ere ateak zabalik dituzte oraindik8-9 urte arteko haurrek eta 12-14 urte arteko gazteek.
Musika eskaintzari dagokionez, berriz, ondorengo instrumentuetan gelditzen dira plazak: flauta, tronpeta, biolontxeloa, biolina eta biola.
Matrikulak zabalik ditu ere Herri arte Eskolak herriko ikastetxeetan, eta horietan izen ematera animatu ditu ikasleak. Informazio gehiago Herri arte Eskolaren web orrian (klikatu hemen) posta elektronikora idatzita (klik hemen) edo 943 44 96 33 telefono zenbakira deituta.
