Ekimenez beteriko urria
Oiartzungo Udalak urriko programa iragarri du, ekitaldiz betea.
Oiartzungo Udalak urriko programa kaleratu du, eta baita ere etxez etxe banatu, hilabetero moduan. Uda bukatu da, baina eskaintza kulturalak aurrera jarraitzen du, eta horren adibide da programa berria.
Urtero bezala, badira oiartzuarrek egutegian gorriz markatuta dituzten egunak, hala nola garagardo azoka eta gau beltza. Baina haiez gain, aurten beste ekimen batzuk prestatu dituzte herriko eragileek. Euskal Eskultura Bizirik erakusketa antolatu dute, eskulturaren garrantzia nabarmentzeko. Horrez gain, aurten ere Ondare Jardunaldiak egingo dira, aldi honetan arkitektura hartuz oinarri moduan.
Nabarmentzekoa da hurrengo larunbatean, urriak 11n, Elizalde herri eskolak hamargarren Kategoriko Bertso Saioa egingo duela. Bertan Alaia Martin, Andoni Egaña, Maialen Lujanbio eta Joanes Illarregi arituko dira bertsotan. Izango dira ere hainbat bisita gidatu, hala nola Arizmendieneara eta Doneztebeko elizara.
Programatik at gelditu diren ekitaldiak ere badira. Larunbat honetan Hemen Guk azoka egingo dute Doneztebe plazan, eta arratsaldean, Iturriotzen, garagardo jaia antolatu dute.
Hitzaldiak, proikezioak, ikastaroak, antzerkiak… denetarik izango dute oiartzuarrek hurrengo 31 egunetan. Udaletxeak adierazi du adin eta gustu guztientzako momentuak egongo direla.
