Protestak hasi dituzte Lurautoko langileek
Nominak berandu jaso dituzte langileek, eta salatu dute enpresak ez dituela bere betebeharrak betetzen.
Lurauto BMWren auto kontzesionarioko langileak protesta egiten hasi dira. Langileek salatu dute enpresak ez dituela haren lan betebeharrak betetzen. Horrez gain, langileek adierazi dute, kezka handia dutela ez dakite eta zein den enpresaren etorkizuna eta are gutxiago haien lan postuarena.
LAB sindikatuak salatu du langileek hilabete askoz haien nominak berandu jaso dituztela, eta oraindik ez dutela abuztukoa jaso. “Horrez gain, soldata igoera, Gipuzkoako metalaren hitzarmenean adostutakoa, oraindik ez da garatu”, esan du sindikatuak.
Enpresaren kudeaketaren aurrean, langileek zor zaiena eskatzen dute, eta enpresaren antolaketa berri bat. Enpresak ez balu langileek eskatutakoa onartzen, hauek ez dute baztertzen protestak handitzea, grebara iritsi arte.
