Familia Laguna programan parte hartzeko izen ematea zabalik da
Azarotik ekainera arte irauten duen programan izen emateko epea zabalik izango da hilabete honetan zehar.
Ikasturte berria hasi da eta horrekin batera martxan da Familia Laguna programa ere Haur eta Lehen Hezkuntzako sei ikastetxeetan. Aurten ere beste herrialde batzietatik Errenteria-Oreretara iritsi diren familiei harrera egoki bat egiteko boluntarioak behar direla jakinarazi du udalak.
Azarotik ekainera irauten du programak, eta bere bidez, etorri berriak ongi etorriak sentiarazi eta haien migrazio prozesua erraztearekin batera, ikastetxeetako familien arteko kulturen arteko harremanak sustatu nahi dituzte, “bai eta etorri berri diren familia horiek esukararen biziberritzearen parte izan daitezen ere”.
Parte hartzeko interesa duten familiek web orriaren bidez egin dezakete (klik hemen) edota ikastetxeetako idazkaritzetan.
