Oiartzungo futbol taldeen emaitzak
Gizonezkoen lehen taldeak garaipena lortu eta sailkapeneko lehen postuari eusten dio. Emakumezkoenak, aldiz, porrot gogorra jasan zuen Tolosan.
Denboraldian aurrera doaz Oiartzun Kirol Elkarteko taldeak. Asteburuan, hainbat partida jokatu dituzte. Hona hemen partiden emaitzak, kronikak eta emaitzak, OKEren eskutik bidalitakoak:
Gizonezkoen Ohorezko Erregional maila: Deusto 0 – 1 Oiartzun KE
Gozo jarraitzen du gizonezkoen lehen taldeak. Sailkapeneko lehen postua indarrez heltzen ari dira, eta asteburuan beste garaipen bat lortu dute, etxetik kanpo. Lehen zatian ederki jolastu zuten oiartzuarrek, eta bertan sartu zuten lehen gola. Bigarren zatian aurkariak hobe jokatu zuen, baina oiartzuarrek emaitzari eutsi egin zioten.
Emakumezkoen Hirugarren Federazioa: Tolosa 4 – 0 Oiartzun KE
Porrot gogorra jasan zuen emakumezkoen lehen taldeak Tolosan. Aurkariak hobe jolastu zuten, eta hori emaitzan irudikatu zuten. Zelaiaren erdian handi egin ziren tolosarrak, eta borrokak ongi irabazi zituzten. Oiartzuarrek ez zuten kontraerasoetan asmatu, ez ziren fin ibili. Halere, lau goletatik bi kornerretatik iritsi ziren, beraz, bada non hobetu. Hamabi taldeko sailkapenean hamargarren jarri dira oiartzuarrak.
Areto Futboleko Gizonezkoen Hirugarren maila: Oiartzun KE 4 – 5 Jarrilleros
Partidua ondo hasi zuen etxeko taldeak, Xabier Oiarbideren gol batekin. Baina lehenengo tantoari ederki erantzun zion Portugaleteko taldeak, eta hiru sartu zituzten hamar minutotan. Atsedenaldira 2 eta 4 iritsi ziren. Bigarren zatian, Jarrilleros taldea aurreratu zen, eta ondoren Iker Arevalillok eta Luken Vicentek gol bana sartu zuten Oiartzunen alde. Amaieran, partidua berdintzeko hainbat aukera izan zituzten oiartzuarrek, baina ez zuten lortu.
Areto Futboleko Gizonezkoen Ohorezko Erregional maila: Bilkoin Basabe AFT 4 – 2 Miren Taberna OKE B
Gizonezkoen areto futboleko bigarren taldeak ere ez zuen garaipena lortu. Ligako lehenengo partidua zen, eta ederki hasi zuten partida Legorretako mutilek. Bost minututan bi gol sartu zituzten, eta ondoren oiartzuarrek, Mikel Altunaren gol bati esker aurkarien abantaila murriztu zuten. Legorretarrak beste bi gol sartu eta azkenean Oiartzungo taldeak beste bat sartu zuten (Manex Arruti).
Beste taldeen emaitzak:
- Emakumezkoen Ohorezko Erregional maila: OKE 1 – 0 Landetxa
- Emakumezkoen Gorengo Erregional maila: OKE 1 – 0 Arrupe
- 1 Erregionala, gizonezkoak: OKE 2 – 0 Landetxa
- Jubenilen Euskal Liga, gizonezkoak: OKE 0 – 1 Lagun Onak
- Gorengo Jubenila, gizonezkoak: OKE 1 – 2 Añorga
- Jubenilen 1. maila, gizonezkoak (C): Allerru 1 – 1 OKE
- Jubenilen 1. maila, gizonezkoak (D): OKE 1 – 3 San Marcial
- Kadeteen gizonezko Ohorezko maila: OKE 1 – 2 Hondarribia
- Kadeteen emakumezko Ohorezko maila: Aiztondo 0 – 2 OKE
- Kadeteen gizonezko 1. maila (B): Lengokoak 0 – 6 OKE
- Kadeteen gizonezko 1. maila (C): OKE 3 – 2 Behobia
- Kadeteen emakumezko 1. maila (B): OKE 0 – 0 Touring
- Infantila txiki: Arrupe 3 – 1 OKE
- Intanfila haundi: Mundarro 1 – 0 OKE
- Infantila partaidetza: San Marcial 4 – 0 OKE
- Infantila F 8: Hondarribi 12 – 0 OKE
