Bueltan dira muxikoak
Igandean, hilak 12, egingo du saioa Beti Prest Dantza Taldeak Herriko Plazan.
Uda bukatuta, bueltan da ikasturte berri bat hasita Beti Prest Dantza Taldea. Haren eskutik heldu dira muxikoak. Ikasturte berriko lehen hitzordua izango dute igandekoa, hilak 12. Ohi bezala Herriko Plazan jarri dute zita, eguraldia lagun, dantza saio bikaina eskaintzeko.
Eguraldiak lagunduko ez balu, Koldo Mitxelena ikastetxeko jolastoki estalian egingo dute saioa.
Musika eta zuzendaritza, Alaken taldeak egingo du igandeko saio horretan.
Muxikoak hilean behin girotzen dute herria, hileko bigarren igandearekin. Horien atzean, Beti Prest Dantza taldea bultzaka, hutsik egin gabe hitzorduan. Uda bukatuta gogoz heldu dio lanari taldeak, “indartsu bueltatu gara ikasturte berriari aurre egiteko”.
Herritarrei deia dantza taldeak igandeko muxikoetan parte har dezaten.
