Argazki emanaldia eta Arabako bira, Urdabururen eskutik
Argazki emanaldia, Arbako Biraren hogeita hamargarren etapa eta collage erraldoia antolatu ditu Urdaburuk hilabete honetarako.
Roc Diolon (3.072 metro) azalduko da besteak beste, argazki emanaldian. Juanmi AstizJuanmi Astiz Agenda beteta dator Urdaburu Mendizale Elkartea, hiru hitzordu antolatu baititu hilabete honetarako. Hilaren 16an izango da lehena. Juanmi Astiz bazkideak harekin bidaia egin zuten hainbat argazkilariren laguntzarekin Massifs Ecrins eta Queyras argazki emanaldia egingo du Urdabururen egoitzan. Abuztuan Frantziako Alpeetara egindako irteeran jasotakoak dira irudiak. emanaldia, 19:30ean izango da
Emanaldiarekin batera, argazki erakusketa antolatu dute eta hura bisitatzeko aukera izango da elkartean bertan, astearte eta ostegunetan, 19:00etatik 21:00tera.
Urdaburuk antolatutako bigarren jarduera hilaren 18an, larunbatarekin izango da. Arabako Biraren hogeita hamargarren etapa egingo du. Larreatik hasi, eta Sekillaga, Gaboño, Trango eta Naparbasoko gailurretatik igarota, Arriolan bukatuko dute.
Xehetasun guztiak ikusteko klik egin hemen.
Irteera 07:30ean egingo dute Panier aldean dagoen Zumardiko autobus geltokitik, eta 07:45ean Aritzetatik. Izena eman nahi dutenek Urdabururen egoitzara jo dezakete astearte eta ostegunetan 19:00etatik 21:00etara, edo 943 52 78 79 telefonora deitu egun eta ordutegi berean. Galdetegia beteta ere eman dezakete izena online (klik hemen).
Collage erraldoia, aurten ere
Urtero collage erraldoia osatzen dute Urdaburu mendizale elkarteko bazkideek, eta urte osoan izaten da ikusgai elkartearen egoitzan bertan. aurten ere, egingo dute collage hori eta parte hartzera deitu dute. Argazkiak bidaltzen dituzten bazkideen artean, gainera, bost opari zozkatuko dituzte (bazkide bakoitzeko argazki bat).
Urtean zehar egindako edozein mendi irteeratan egindako argazki bidali beharko dute, azaroaren 9a baino lehen, “argazkiak ikusi nahi zaituztegu bakarrik, lagun artean, familian…”. Argazkiak posta elektronikora bidali behar dira (klik hemen). argazkiarekin batera noiz eta non egindakoa den azaldu beharko da, baita bazkideen izen abizenak ere.
Bazkide guztiak animatu ditu parte hartzera mendizale elkarteak, “ea aurten ere collage erraldoia osatzea lortzen dugun”.
