Bihar ere Palestinaren alde egingo du Oiartzunek
Sindikatuek deitutako deialdiak izango dira goizean, eta Gernika-Palestinarena arratsaldean.
Euskal Herri osotik lanuzteak eta grebak egingo dira bihar, Palestinaren askatasuna aldarrikatzeko. Sindikatuek eta eragileek deitutako deialdiek Oiartzunen ere erantzuna izango dute.
Goizean, 11:00etan, udaletxe parean, Elorsoro kiroldegian, Aranguren poligonoan (Saltokin aurreko biribilgunean) eta Mamut merkatal zentroan langileak bildu egingo dira. Langileek lanuzteak egingo dituzte, eta eguerdian, Donostian biltzeko deialdia zabaldu dute. 12:30ean Bulebarretik irtengo da manifestazioa. Elizaldeko eskolako eta Haurtzaro ikastolako hezkuntza langileek ere egun osoko greba egingo dute.
Arratsaldean, Gernika Palestina Herri Ekimenak deitutako burrunba egingo da, Done Eztebe plazan. 19:30ean izango da.
