Goizean elkarretaratzeak, arratsaldean burrunbak
Goizerako lanuzteak deitu dituzte sindikatuek, eta eragileek arratsalderako mobilizazio zaratatsuak. Hemen horien zerrenda, herriz herri. HITZAko langileek ere lanuztea egingo dute.
Palestinako herriarekin bat egiteko eguna da gaurkoa (hilak 15, asteazkena). Sindikatuen partetik, deialdi orokorra goizeko lanuztera joatekoa izan da deialdia, baina irakaskuntzarako egun osokoa izatea da proposamena. Arratsaldean, berriz, herrietako eragileek deitu dituzte elkarretaratzeak, burrunba kutsukoak denak. Beheko zerrendan, HITZAk orain arte bildu dituen deialdiak, Oarsoaldeko lau herrietakoak. Donostiako Bulebarretik 12:30ean abiatuko den manifestazioa izango da herrialdeko mobilizazio nagusia.
Sindikatuen artean, LAB, CCOO, UGT, ESK, Steilas, CGT/LKN, Solidari, Etxalde eta Hiru sindikatuek deialdi bateratuak egin dituzte goizerako Oarsoaldeko hainbat tokitan (behean zerrenda). ELAren deialdia, berriz, Oarso Bidasoa mailakoa izango da, eta Errenteria-Oreretan egingo dute eguerdian.
HITZAko langileek ere lanuztea egingo dute goizean. Horregatik, goizean izango diren mobilizazioak ez dituzte kubrituko, horien partaide izango direlako. Hori horrela, enpresetako, ikastetxeetako, edo bestelako eragileetako kideek egindakoaren berri eman nahi badute, horien azalpenak eta irudiak HITZAra bidaltzeko aukera dute, gerora publikatuko ditu horiek euskarazko tokiko hedabideak. Horiek posta elektronikoz bidali behar dira (egin klik hemen posta helbidearen berri izateko).
Goizeko elkarretaratzeak
Lezo
- 10:00.Gaintxurizketako Errekalde hotelaren aurrean.
- 11:00. Udaletxearen aurrean.
Errenteria-Orereta
- 11:00. Fanderiako eta Galtzarabordako kiroldegietan.
- 11:00etan, Egiburuberri industrialdeko biribilgunean.
- 11:00etan, udaletxearen aurrean.
- 12:30ean, Herriko Plazan, Oarso Bidasoko ELAren elkarretaratzea.
Oiartzun
- 11:00. Elorsoro kiroldegian.
- 11:00. Udaletxearen aurrean.
- 11:00. Aranguren industrialdean, Urkia biribilgunean (Saltoki aurrean).
- 11:00. Mamut merkataritza zentroan.
Pasaia
- 10:45. San Pedron, informazio piketea Torretik.
- 11:00. Donibaneko udaletxearen parean.
Arratsaldeko deialdiak
Lezo
- 19:30. Burrunba udaletxearen aurrean.
Errenteria-Orereta
- 19:30. Manifestazioa Gamon Zumarditik abiatuta.
Oiartzun
- 19:30. Burrunba Done Eztebe plazan.
Pasaia
- 19:00. San Pedroko frontoitik, burrunba.
- 19:30. Donibaneko udaletxearen parean, burrunba (Antxotik hara joateko deia egin dute).
