Agintaldi erdira helduta, balantzea
Balantze horretara deitu ditu herritarrak, eta horretarako, hilaren 30ean bilkura egingo du Aldakoenean. Parte hartzeko izena eman behar da aurretik.
Agintaldi planaren aurkezpena 2023an Errenteriako Udalak herritar guztiak gonbidatu ditu agintaldi erdiko balantze ekitaldian parte hartzera. Ostegunean, gaur zortzi izango da bilkura hori, 18:30ean Aldakoenean. Partehartzeko aurretik eman behar da izena. 2023an aurkeztutako agintaldi planean hartutako konpromisoen egoeraren berri emango du bilkuran, eta agintaldiaren bigarren zatirako lanaren ildoak azalduko ditu. Udal ordezkariek egingo dute aurkezpena, alkatea buru.
Parte hartu nahi dutenek hilaren 29ko 14:00ak aurretik eman behar dute izena (klik hemen) edo 943 44 96 00 telefono zenbakira deitu.
