Irisgarritasun Unibertsaleko Plana egin du Lezoko Udalak
Plana gauzatu ahal izateko 10.200 euroko laguntza jaso du Eusko Jaurlaritzatik. "Lezo guztiontzat irisgarriago izatea" da planaren misioa.
Lezoko Udalak eta Lezdik (Dsgaitasuna Duten Pertsonen Lezoko Elkartea) aurretik herriko irisgarritasunaren gaineko lanketa eginda dute. Lezo denenentzat irisgarriagoa izan dadin plana egin du Lezoko Udalak, Irisgarritasun Unibertsaleko Plana. Bertan, irisgarritasun ildoko herriaren egungo egoera, hobetu beharrekoak, eta aurrera begirako erronkak daude jasota. Udalak plan hori Projekta Contract SCP enpresaren laguntzarekin egin du, eta laster egingo du publiko. Eusko Jaurlaritzako Lurralde Plangintza, Etxebizitza eta Garraio Sailaren laguntza izan du udalak agiria gauzatu ahal izateko, 10.200 eurokoa.
Agirian ezarritakoa aplikatzen denean, “Lezo guztientzat irisgarriagoa” izango da, “oztopo fisikoak eta arkitektonikoak kenduz, eta pertsona guztiek espazio publikoak eta udal zerbitzuak baldintza berdinetan erabiltzeko aukerarekin”.
Jaurlaritzaren 2023ko azaroaren 14ko Aginduaren barrukoa da Lezok plana egiteko jaso duen diru laguntza. Udalerrietan irisgarritasuna hobetzeko planak egin ahal izatea errazten du Agindu horrek.
