Gau beltza argitu dute
Pasai Donibane, Pasai San Pedro eta Pasai Antxon ere gau beltza ospatu dute. Kalabazak hustu, beldurrezko ilbidea egin eta dantzan bukatu dute gaua.
Atzo gaua berezia izan zen. Arimen gaua edo gau beltza deritzoguna ospatu zuten Euskal Herriko haur, gazte eta helduek. Baita Pasaian ere. Donibanen kalabazak hustutzeko, aurpegiak margotzeko eta apaingarriak egiteko tailerra antolatu zuten. Antxon dantza emanaldi beldurgarria egin zuten, herri osoaren begiradapean.
Eta San Pedron”giro paregabea” izan zuten. Kalejira eta altxorraren bila “kilometrikoa” egiteaz gain, haurrek beraien beldurrak idatzi ta sorginari eman zizkioten sorgin gaiztoaren ipuina entzun aurretik. Ondoren, plazako dantza egin zuten, lamiak dantz ataldearen eskutik.
Segidan beldurrezko ibilbidea egin zuten eta antolatzaileek adierazi dutenez zenbaitek “ametsgaiztoak izango zituzten gauean. 10 urtetik gorakoek beldurra pasa zuten, eta baita zenbait gurasok ere. Hurrengo urtean gehiago!”.
