Aurten ere, mozorro bila
Aukeran, sei gai: Egipto, Baserria, folklorea, Tim Burton eta Agatha Ruiz de la Prada. Botoak hilaren 12ra arte jasoko dituzte.
Hasi dira dagoeneko inauteriekin pentsatzen, eta horren harira, lanean jarri nahi ditu Inauteri Batzordeak herritarrak beste urte batez. Egitekoa erraza, urterokoa: Herria zertaz mozorrotu aukeratzea. Izan ere, hautatzen duten mozorro hori izango baita denda, komertzio zein herritar taldeek baliatuko dutena 2026ko inauterietan festarekin bat egiteko.
Galdeketa jarri dute martxan horretarako, eta aukeran, sei gai: Egipto, Baserria, folklorea, Tim Burton eta Agatha Ruiz de la Prada. Botoak hilaren 12ra arte jasoko dituzte. Horretarako, Lekuona Fabrikan, udaletxean, eta Fanderia eta Galtzarabordako kiroldegietan kutxa bana jarri dute, eta bertan sartu beharko dituzte herritarrek boto orriak aukeratutako gaiarekin. Berezi xamarrak aurten aukeran direnetako batzuk.
Botoak jaso eta zenbaketa egin ondoren, hilaren 19an jakinaraziko dute Inauteri Batzordeko kideek boto gehien jaso dituen gaia zein den.
