Errenteria Top Figthersen seigarrena, igandean
Agustina Otaola pilotalekuak hartuko ditu borrokaldiak 17:00etan hasita. Ateen irekiera 16:00etan egingo dute, ordu horretatik aurrera sartu ahalko dira ikusleak, eta orduan zabalduko dute txarteldegia ere.
Igandean izango da Top Figthers txapelketa.Kenthai Figth Klub Errenteria Top Fighters txapelketaren seigarren egingo dute igandean, hilak 9, Kenthai Fight Clubek antolatuta. Agustina Otaola pilotalekuak hartuko ditu borrokaldiak 17:00etan hasita. Ateen irekiera 16:00etan egingo dute, ordu horretatik aurrera sartu ahalko dira ikusleak, eta orduan zabalduko dute txarteldegia ere. Hala ere, aurrez erosi ahalko dira sarrerak, Kenthai klubean, Iratxo tabernan, eta Traxx ile apaindegian.
Igandean bertan egingo dute ekitaldiaren pisaketa ofiziala Iratxo tabernan 11:00etan.
MMA —arte martzial mistoak—, Kick Boxing eta K1 kategorietako hamahiru konbate izango dira denera, Kick Boxing eta K1 diziplinetakoak. Aurten ETF titulua lortzeko bi borroka izango dira, bata MMA kategorian eta bestea K1 profesionalean.
Kenthai klubeko entrenatzaile eta arduraduna den Alberto Lopezek borrokalariek baldintza ezin hobeetan iristeko egiten duten prestaketaren gogortasuna jarri du nabarmen, eta igandean Agustina Otaola berriro ere betetzeko gonbita luzatu du, aurreko ekitaldietan bezala, borrokalariei babesa erakusteko.
