Gurasoentzako prestakuntza-zikloa antolatu du Lezoko Udalak
Orotara hiru saio izango ditu zikloak, eta horietako bakoitzean gai ezberdin bat jorratuko dute.
Gurasoei zenbait gaiei buruz nerabeekin harremantzeko tresnak eta baliabideak eskaintzeko asmoz, Lezoko Udalak prestakuntza-zikloa antolatu du. Orotara hiru saio izango ditu zikloak, doakoak denak, eta horietako bakoitzean gai ezberdin bat jorratuko dute. Bi hitzaldi Gipuzkoako Foru Aldundiko Treba Guraso programaren baitan kokatzen dira, eta bestea Lezoko Udaleko Berdintasun Sailetik bideratu dute. Hona hemen saio bakoitza:
- Internet, pantailak, sare sozialak… onurak eta gatazkak. Nola kudeatu? – Azaroak 12, 18:00-19:30, Kultura Aretoan.
- Seme-alabekin indarkeria matxistaren gaiari nola eustsi – Azaroak 18, 18:00-20:00, Kultura Aretoan.
- Harreman osasuntsuak lagun artean – Azaroak 26, 18:00-19:30, Pleno Aretoan.
Izen-ematea saio bakoitzerako egin behar da. Informazio gehiago lortzeko eta izena emateko, baliatu honako esteka hau.
