Illunbe Akordeoi Orkestraren 40 urteak, oholtzara
Orkestra trintxerpetarrak lau hamarkadako bidea osatu du, eta urteurren horri aitortza egiteko, kontzertua eskainiko dute bihar (larunbata) barrutiko parrokian, 12:30ean.
Illunbe Akordeoi Orkestrak 40 urte bete ditu, eta urteurren esanguratsu horri aitortza egiteko, kontzertua eskainiko dute bihar (larunbata) Trintxerpeko parrokian, 12:30ean. Illunbe Akordeoi Orkestra 1985ean sortu zen, orkestra eratzeko saiakera batzuk egin ondoren. Hasieratik Jose Juan Zubillaga izan da orkestrako zuzendaria, eta, gaur egun, 15 kidek osatzen dute taldea. Orkestrako kide asko akordeoi arloko profesionalak direla eta beste batzuk denbora laburrean profesional bihurtuko direla jakinarazi du Pasaiako Udalak.
Illunberen errepertorioa zabala eta aberatsa dela baietsi du udal erakundeak. Orotara, estilo eta konpositore ezberdinetako 500 obra baino gehiago interpretatzen dituzte.
