Santxo eta Aranguren, txapeldunorde
Gutxigatik, baina gehiago izan ziren tolosarrak joan den ostiraleko partidan. Horrenbestez, txapeldunorde dira EPLEkoak.
Santxo eta Aranguren joan den ostiralean, sari banaketan.Gipuzkoako Euskal Pilota Federazioa Txapela gertu-gertu izan dute EPLEko Santxo eta Aranguren pilotariek, baina azkenean, Tolosara joan da. Ostiralean jokatu zuten Eskuz Binakako Lehen Mailako finala Donostiako Atano III pilotalekuan. Aurrea hartu zuten EPLEkoak, 11-18 eta 13-19ko markagailuak eginda, baina ez zuten asmatu partida ixten. Altuna eta Aizpuruk has eta buka, bederatzi puntu egin zituzten segidan, eta garaipena etxera eraman. Hori horrela txapeldunorde dira Santxo eta Aranguren.
Gomazko Paleta Berho eta Jon Ormaetxeak 25-17 irabazi zuten Zarautzen kontra Agustina Otaola pilotalekuan; garaipen horrek, bigarren mailan jarraitzeko bidea zabalik mantentzen lagundu die. Maila ez galtzeko partida bikoitzeko promozioa jokatu beharko du orain bikoteak. Gomazko Paletako Hirugarren Mailan, final laurdenetarako txartela lortu dute EPLEko bi taldek: E. Arruabarrena eta Bereziartuak, batetik; eta Murua, M.Aranburu eta Arzallusek osatuak, bestetik. Kanporaketa etxetik kanpo jokatuko dute.
Pala Motzeko partidari, bestalde, aipamen berezia egin dio EPLEk. Lehen Mailan ari diren Eyheramendi eta Yorel, Estefano eta Rubenen kontra aritu ziren, eta lehenek irabazi zuten 40-38. Erritmo biziko partida izan zen Fanderian jokatu zutena larunbatean.
EPLEko Taberna, Chiapuso eta Santamaria, bestalde, Goi Mailako Trinketeko Eskuz Binakako txapelketan hasi berri dira. lehen jardunaldian, Taberna eta Otaduyk 15-12 eta 15-9 garaitu zuten Aurrekoetxea eta Lopez de Callek osatutako bikotea.
