Eros daitezke 2025eko Tripontzia zozketako txartelak
Herriko zenbait establezimendutan daude salgai, baina Haurtzaroko DBH 4ko ikasleek edota Gure Eskuko kideek ere badituzte.
Aurten ere Tripontzia zozketa egingo dute, eta Oiartzunen bertan zenbakiak erosteko aukera izango da.
Txartel bakoitzak 5 euro balio du, eta zenbaki osoak, halaber, 35 euro. Sari nagusia irabazten duenak 30.000 euro lortuko ditu, baina, horretaz gain, zenbaki bereko gainontzeko serieentzat 2.000 euroko zazpi sari ere egongo dira. Are, saritutako bigarren zenbaki eta seriea dituenak 1.000 euro irabaziko ditu.
Zenbaki horiek erosteko zenbait bide daude; tartean, Urrats paper dendan, Garmendi txokolategian, Marisol janari dendan, Ogi berrin, Tolaitan, Kabitxon edota Gazte Izanakeko ile apaindegian. Hala ere, Haurtzaro ikastolako DBH 4ko ikasleei erostea ere bada aukera bat, Oiartzungo Gure Eskuko kideei erostea bezalaxe.
Azkenik, Oiartzungo Gure Eskutik jakinarazi dute inork txartelak saltzen lagundu nahi badu, Gure Eskuko kideei jakinarazi behar diela.
