Trafikoan aldaketak Meipin, babarrun jatearen harira

Lezobidea kalea itxita izango da bihar 11:00etatik igandeko 01:00ak arte.

Babarrun jatea egingo dute bihar Meipin. Hori horrela, trafiko aldaketak izango dira Donibaneko eremu horretan. Zehazki, Lezobidea kalea itxita izango da bihar, larunbata, 11:00etatik igandeko 01:00ak arte. Barrutira sartu eta bertatik irteteko Bizkaia plazara Larrabide errepidetik eta San Roke nahiz Juan XXIII kaleetatik sartu beharko da; atera berriz, Bordalaborda kaletik.

Autobus zerbitzuan ere izango dira aldaketak. Meipiko biribilgunean ezarriko dute geltokia hilaren 15eko 11:00etatik aurrera. Hilaren 16an, zerbitzua betiko moduan eskainiko du autobusak.

Meipiko jai batzordeak Xantixa elkartearekin batera antolatu du babarrun jatea, eta egitaraua bazkaritik harago doa. 11:30ean haurrentzako jolasak izango dira; 14:00etan herri bazkaria izango da, eta ondoren bingo solidarioa. 18:00etan futbolin txapelketaren finala hasiko da, eta hura bukatuta, DJ kabuxaren emanaldia izango da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.