Dayan eta L. Angel, Montxo Jimenez txapelketaren irabazle
Ijito Kultura Astearen barruan jokatu dute esku pilotako txapelketa Agustina Otaola pilotalekuan.
Montxo Jimenez txapelketaren finala.EPLE Montxo Jimenez Esku Pilota Txapelketak baditu irabazleak: Dayan eta L. Angel. Ostiralean jokatu zuten txapelketa horren finala Kamelamos Adikerar elkarteak antolatutako Ijito Kultur Astearen barruan, eta 22-10 utzi zuten markagailua Dayan eta L. Angelek Txiki eta Raulen kontra jokatutako partidan. Maila goreneko partida izan zen ostiraleko finala. Asteazkenean jokatu zituzten finalerdiak , eta astelehenean berriz, lehen jardunaldian, gehiago izan ziren EPLEko Arzelus eta Telleria, Mindara Elkarteko Asteasu eta Gomez 22-15 irabazita.
Federatutakoen lehiaketa
Final laurdenetako Gomazko Paletako partidetan ez zuten lortu garaipenik EPLEko pilotariek. E. Arruabarrena eta Bereziartuak 25-13 galdu zuten; M. Aranburu eta Arzallusek ere markagailu bera egin zuten, 25-13. Oraindik orain bigarren mailara jauzi egiteko aukerak ez dituzte agortu, igoera promozioa baitute aukeran.
Trinketeko Elite kategorian Abadiñon jokatu zuten txapelketaren bigarren partida eta EPLEko Taberna-Otaduyk eta Larrañaga-Chiapusok, garaipena. Bietan, 2-0 irabazi zuten EPLEkoek.
Seniorren Pala Motzean, beste bi garaipen, garrantzia bizikoak eta biak etxetik kanpo.. Eiheramendi eta Yorelek 38-40 irabazi zuten. Markagailu hori bera Estefano eta Rubenek, eta garaipena etxera.
