Abando Txikik itxiko du musika eta abesbatza astea
San Pedroko 40. Musika eta Abesbatza astea gaur bukatuko da Abando Txiki abesbatzaren kontzertuarekin. 20:00etan izango da, barrutiko elizan.
Ondartxo kultur elkarteak eta Pasaia Musikal Udal Musika Fundazioak antolatutako San Pedroko 40. Musika eta Abesbatza astea azkenera iritsi da. Orotara, bost emanaldi programatu zituzten sustatzaileek, eta gaur (ostirala) izango da azkena. Abando Txiki abesbatzak kontzertua eskainiko du barrutiko elizan, 20:00etatik aurrera. Sarrera doakoa da, parrokiako edukiera bete arte.
