Belek 'Muturrez Zerura' diskoa argitaratu du
Oiartzunen bizi da Lide Hernando, eta hara eta hona ibiliko da disko berria aurkezten. Zortzi abesti ditu lanak.
Herrari izeneko lehen albuma argitaratu zuen Lide Hernandok 2024an, eta aurten Fermin Muguruzarekin korista moduan eta gitarra jole moduan aritu ondotik, Bele proiektuari heldu dio berriz donostiarrak.
Oiartzunen bizi da musikaria, eta berriki Muturrez Zerura bigarren albuma argitaratu du Belerekin. Azaldu duenez, 80. hamarkadako gaur ero bat eta horren osteko etxerako buelta melankolikoa da diskoa, eta zortzi abesti horietan Belek “musika beltzarekiko duen interesa eta maitasuna arakatzen jarraituko du 80ko disko, funk eta dance elektronikoarekin”.
Honela deskribatu dute lana: “Dantza negarrez ere egin daitekeelako. Zeren drama dantzarekin uxatzen ez duenaz, ez da fio. Dantzalekuak sutan jartzeko intentzio argiz dator Bele, Euskal Herrian odol hotzekoak ez garela frogatu nahian”.
Datozen asteetan zenbait kontzertu izango ditu Belek, Hondarribian, kasu.
