Kontsultatu Oiartzungo futbol taldeen asteburuko emaitzak
Oiartzungo futbolariek hamaika partida jokatu dituzte iragan asteburuan. Ikusi hemen emaitza guztiak eta zenbait kronika.
Oiartzun Kirol Elkartea osatzen duten taldeek zenbait partida izan dituzte asteburuan. Partida batzuk irabazi, beste batzuk galdu, eta baita berdindu ere. Denetarik egin dute kirolariek.
Estatuko hirugarren maila: Gernika 3 – 4 OKE
Garaipen “garrantzitsua” lortu dute Oiartzungoen Gernikan jokatutako partidan. Gauzak ez ziren ondo hasi OKEkoentzat, partida hasi eta hamar minutura etxekoek bi gol sartu baitzituzten. Gainera, atsedenerako bost minutu falta zirela hirugarren gola sartu zuten Gernikakoek-
Alabaina, atsedenera joaterako lehen gola sartu zuten oiartzuarrek, eta bigarren zatia hasi eta berehala sartu zituzten beste bi jarraian. Une horretan, hortaz, markagailua 3-3 zegoen. Partida amaitzeko hamar minutu baino gutxiago geratzen zirela laugarren gola sartu zuten oiartzuarrek, eta, hortaz, 3-4 irabazi zuten partida.
Neskak hirugarren maila: Eibar 0 – 1 OKE
Oiartzungo hirugarren mailako neskek Eibarren jokatu zuten partida, eta diotenez “sufrimendu askoko” norgehiagoka izan zen. Azaldu dutenaren arabera, aurkariek baloia utzi zieten Oiartzungoei, baina ez zuten lortu jokoan “iniziatiba emate ezta baloia aurkariaren areara” eramatea ere.
Alabaina, diote defentsan “serio” aritu zirela, eta lan asko egitearen ondorioz kontraerasoan hiruzpalau jokaldi arriskutsu egin eta gol bat sartzea lortu zutela. Gauzak horrela, hiru puntu eskuratu dituzte.
Areto futbola B: Gaintxu 2 – 4 Miren OKE
Lezon jokatu du berriki Miren Taberna OKE taldeak Gaintxuren aurka, eta ondo hasi zen partida aurkarientzat, zortzigarren minuturako lehen gola sartu baitzuten. Alabaina, hogeigarren minutuan iritsi zen berdinketa, baina hurrengo jokaldian sartu zuten bigarren gola Gaintxukoek. Haatik, atsedenera iristeko hiru minutu falta zirela berdinketa lortu zuen Oiartzungo taldeak.
Partidaren bigarren zatiak oiartzuarrak izan ziren nagusi, eta beste bi golei esker 2-4ko emaitza ezarri zuten markagailuan.
Hona hemen emaitzen zerrenda osoa:
- Lehenengo erregionala
- Landetxa 2 – 0 OKE.
- Baska jubenila
- Gernika 2 – 2 OKEE.
- Jubenila C.
- OKE 2 – 4 Allerru.
- Jubenila D
- San Marcial 2 – 2 OKE.
- Ohorezko kadete mutilak
- Hondarribi 2 – 1 OKE.
- Kadeteak B
- OKE 2 – 1 Lengokoak.
- Kadete B neskak
- Touting 1 – 3 OKE
- Kadeteak C
- Behobia 1 – 0 OKE
- Infantila haundi
- Martutene 5 -0 OKE
- Infantila F11 neskak
- OKE 1 -1 Euskalduna
- Infantila partaidetza
- Pasaia 2-1 OKE
- Infantila F8 neskak
- OKE 0-5 Antigua
- Ohorezko erregionala
- OKE 5-1 Mutriku
- Ohorezko erregional neskak
- OKE 0-0 Hernani
- Lurralde
- Arrupe 0-1 OKE
- Gorengo jubenila
- OKE 2-2 Ostadar
- Ohorezko kadete neskak
- OKE 2-2 Mariño union
- Alebina neskak
- OKE 0-15 Antiguoko
- Alebina B mutilak
- OKE 4-6 Allerru
- Alebina 2015 mutilak
- Ekintza 5-4 OKE
- Alebina 2015 neskak
- Euskalduna 13-6
Hona hemen OKEk HITZAri helarazitako irudiak:
