Pakita Ubiriak, mendea
Oiartzunen jaio eta Errenteria-Oreretara bizitzera etorri zen Zulatxipi bordatik. 100 urte bete ditu gaur.
Pakita Ubiriak 100 urte bete ditu. Mendea bete du gaur Pakita Ubiriak. Oiartzunen jaiota Zulatxipi Bordan bizi izan zen Errenteria-Oreretara etorri zen arte bizitzera. Bederatzi senideetatik, bi ahizpa baina ez dira bizi gaur egun. Joxe Elizondorekin ezkondu zen 28 urterekin, eta zazpi seme-alaba izan zituzten; paper fabrikan egiten zuen lan Elizondok, eta Ubiriak berriz, etxean.
Gerra bizitzea tokatu zitzaion Ubiriari, gosea eta beldurra pasa zuen garai hartan. Euskararen aldeko hautua egin dute etxean beti, hala dio, eta haren seme-alabek gaineratu dute euskara maitatu eta euskaraz mintzatzera bultzatu dituztela beti, “etxean beti hitz egin izan dugu euskaraz”.
Oso zoriontsu izan direla ere esan dute haren senideek. Gaur arrazoiak badituzte eta ziur, giro goxo eta paregabean ariko direla merezitako urteurren biribila ospatzen Ubiria eta haren senideak.
