Ernaik Alabergako plaka frankistak ezabatu ditu
'Ekinez egina, gazteok independentzia!' lelopean, frankismoaren kontrako ekintza egin dute.
Bart Alabergan egindako ekintza.Oreretako Ernai Ernai gazte antolakundeak frankismoaren aurkako ekintzak egin ditu Alaberga auzoan. Ekimenok, Ekinez egina, gazteok independentzia! lelopean egin dituzte, eta bertako plaka frankista batzuk ezabatu eta aldarriz bete zituzten asteburuan. Oreretan ez ezik, Euskal Herriko herri eta auzoetan beste ikur frankista batzuk ere ezabatu dituzte.
Alabergan 1940ko eta 1950eko hamarkadetan Obra Sindical del Hogarren ekimenez eraiki ziren etxebizitzak, Ernaik azaldu duenez. Hori dela eta, bertan plaka frankista ugari zeuden. Orduko Etxebizitza Ministerioaren etxebizitza-plakak ezabatzeko lan nabarmena egin bada ere, auzoan hamarnaka plaka zeuden oraindik ere.
Egindako ekintzarekin Oreretako gazte independentistek “lehen lerroa hartu” eta plaka horietako batzuk ezabatu eta aldarriz bete dituzte.
Ondoko bideoa eta argazkia Oreretako Ernaik egindakoak eta HITZAra bidalitakoak dira.
