Oiartzun Irratiak urteko balantzea egin du II. Batzar Orokorrean
Asteon egin dute bilera, eta 2025eko egitasmoak errepasatzeaz gain, 2026ko proiektuak aurreratu zituzten. Elkarlanerako atea zabalik dutela azaldu dute.
Oiartzun Irratiak bigarrenez egin du aurten Batzar Orokorra. Astelehenean izan zen hitzordua udaletxeko pleno aretoan, eta hamaika lagun elkartu ziren ikasturteari buruz eta datorrenari buruz mintzatzeko. Zehazki, Oiartzun Irratiko entzuleak, irratsaioak egiten dituzten kolaboratzaileak, zuzendaritzako kideak eta langileak bildu ziren goxo hitz egiteko.
Irratiko kideek jakinarazi dutenez, batzarren helburua Oiartzun Irratiko komunitatea elkartzea eta kideekin 2025ean proiektuak egindako egitasmoen berri ematea zein balantze ekonomikoa egitea izan zen. Alabaina, 2026ko proiektuak eta aurrekontua partekatu zituzten bilera horretan.
Lehenik, 2025ean aurrera eramandako ekintza nagusiak aipatu zituzten. Esaterako, Zuzendaritza Batzordearen jardunaz hitz egin zuten. Azaldu zutenez, iragan urtean hirutan elkartu ziren lehendakaria, idazkaria, kontu hartzailea, udaleko ordezkaria, kolaboratzaile bat eta hiru langile. Bertan, “egitura berri horrek elkarteri eman dion ikuspegi zabala, egonkortasuna eta babesa” nabarmendu zituzten.
Horretaz gain, elkarteak Estatutuen berrikuntza egin zuten, eta euskararen normalizazioa sustatzeaz gain, honako helburuak gehitu dituzte: parekidetasun eta feminismoaren sustapena, jasangarritasuna bultzatzea eta Memoria historikoaren lanketa.
Alabaina, gogorarazi zuten Oiartzun Irratia Ga-La egin zutela, bai eta EHUrentzat podcast produkzioa ere.
Hori, baina, ez da dena, zenbait eragilerekin kolaborazioak egin baitzituzten, HITZArekin, kasu. Paperak galdu gabe mahai ingurua egin zuten Landetxen, eta feminismoa zuen ardatz saio hark.
Berrikuntzak ere izan dituzten aurtengoak, lau irratsaio berri estreinatu baitituzte: Andriak plazara, Artealdean, Egiyan xurrian eta Besterik gabe.
Azkenik, aurreratu zuten 2026an Oiartzun Irratiak 17 irratsaio eskainiko dituela, eta urtean zehar sor litezkeen elkarlan eta proposamenentzako atea zabalik dutela jakinarazi zuten.
