Meltxor, Gaspar eta Baltasarren bisita astelehen arratsean
Meltxor, Gaspar eta Baltasar udalerrian izango dira Errege Bezpera Egun Magikoan (hilak 5, astelehena) arratsaldean. Errege Magoen kabalgata 18:00etan hasiko da, Tulle kaletik (Pontika) abiatuta; ordu berean izango da Beraun auzoan ere.
Meltxor, Gaspar eta Baltasarren bisita astelehen arratsean Meltxor, Gaspar eta Baltasar udalerrian izango dira Errege Bezpera Egun Magikoan (hilak 5, astelehena) arratsaldean. Errege Magoen kabalgata 18:00etan hasiko da, Tulle kaletik (Pontika) abiatuta; ordu berean izango da Beraun auzoan ere. Errioxako biribilgunetik abiatuko dira aurten Erdialdeko Errege Magoak desfilean, eta Maria de Lezo, Herriko Plaza, Zumardia, Nafarroa etorbidea eta Biteri kalea glutenik gabeko goxoki beganoak banatuz eta eskutitzak jasoz zeharkatu ostean, Xabier Olaskoaga plaza sarreran bukatuko dute. Ibilbide osoan zehar lagun izango dituzte Elipsis elkartea, Odisey eta Titanes konpartsak, Herri Arte eskolako trikitilariak eta Gurutze Gorria. Aurten gainera, deialdi berezia egin du batzordeak eta Erregeekin batera pertsonai gisa parte hartuko dute herriko hainbat haur eta helduek.
Gerturatu nahi duten familia guztiei gainera, harrera egingo diete hiru Errege Magoek; Merkatuzarren izango da hori, Niessen auditorioan, 19:30ean hasi eta 21:00ak arte.
Batzordetik gogora ekarri dute aurten ere, haurrek Errege Magoek idatzitako gutuna jaso ahal izango dutela. Eskaera herri Bizia webgunetik egin daiteke jada eta mezu pertsonalizatua jasoko du eskatzaileak posta elektronikoz (klikatu hemen)
Arratsaldez helduko dira desfileak, baina aurretik, goiz partean hasita hainbat tailer antolatu ditu batzordeak. Hala, 11:30etik 13:00etara Zumardian eskulan tailerrak eskainiko ditu Elipsis taldeak eta Gurutze Gorriak Jolas Hezitzaileak iznago ditu bertan. Eguraldi txarrarekin Agirre Lehendakariaren plazara lekualdatuko dituzte ekintza horiek. Gainera goiz eta arratsaldez puzgarriak izango dira Gernika Plazan—euria egingo balu Koldo Mitxelena ikastetxearen jolastoki estalian izango dira— jai Toki elkartearen eskutik. Erref¡geen postariak ere bertan izango dira.
Antolatzaileek kaleak magiaz betetzera deitu dituzte herritarrak hilaren 5ean, “batzordea osatzen dugun herriko elkarte zein norbanakoek ilusio eta gogo bereziz elkarlanean antolatu dugun egitarauaz gozatzea espero dugu”.
