Eskuz binakakoan bale, erremintan kale
Gipuzkoako bikotekako trinkete finalak jokatuko dituzte datorren asteburuan Irurako pilotalekuan. EPLEko hiru bikote ariko dira bi finaletan, lehenengo eta bigarren mailan.
Ruben gorriz, eta B. Ibarguren urdinez joan den larunbatean Fanderian.EPLE Asteburu bakarrean aurpegia eta ifrentzua, garaipena eta porrota EPLEko pilotarientzat Euskal Ligaren lehen jardunaldian. Eskuz binakakoan, Irurtzungo frontoian Taberna eta Arangurenen garaipena; bi joko irabazi eta bat galdu zuten (6-10 10-4 eta 1-5) borrokatutako partidan. Garaipenak garrantzi handiko puntua eman die EPLEkoei, izan ere, datorren asteburuan LAPKEren kontra jokatuko dute Agustina Otaola pilotalekuan.
Ez zuten aldeko izan zortea erremintan etxean jokatutako partidan. Larruzko paletan Estefano eta Rubenek 2-0 jokoekin galdu zuten (10-15 eta 12-15), eta pala motzean Eiheramendi eta Yorelen porrota ere 2-1 jokoetara (14-15, 15-12 eta 3-10).
Lehia bizia izan zuten bi partidetan pilotariek, batez ere pala motzean Errepalak taldetzarra prestatu baitzuen partidarako, B Ibarguren eta Julen San Miguel larruzko paletan, eta Navarro eta Ibargarai pala motzean. Pala motzeko hirugarren setean X. Ibargurenek Navarro ordezkatu zuen, azken hori lesionatuta.
Trinkete finalak
Gipuzkoako bikotekako trinkete finalak jokatuko dituzte datorren asteburuan Irurako pilotalekuan. Ez zen ezustekorik izan finalaurrekoetan, eta lehen mailan 40-22 irabazi zuten Mundarro Santamariak eta Antton Aranburuk. Bigarren mailan Eneko Aranburu era Eneko Sorondok 40-15 irabazi zituzten taldekide dituzten Zapirain eta Aranguren, eta horrenbestez, EPLEko hiru talde izango dira bi finaletan.- Lehen mailan Taberna eta Chiapuso Santamaria eta Antton Aranbururen kontra jokatuko dute; bigarren mailan Eneko Aranburu eta Eneko Sorondo Kukuren kontra ariko dira.
