Kanpaina berria kirola eskura jartzeko
Galtzaraborda kiroldegiko eta Fanderiako igerilekuetako udal instalazioetan sustapen kanpaina berri bat jarri dute abian, urte berriari begira herritarrak aktibatzeko
Galtzaraborda kiroldegiko eta Fanderiako igerilekuetako udal instalazioetan sustapen kanpaina berri bat jarri dute abian, urte berriari begira herritarrak aktibatzeko. Urtearen hasiera jarduera fisikoaren aldeko apustua egiteko aukera ezin hobea dela nabarmendu dute eta kanpaina honen bidez, edonor has daitekeela abantaila guztiekin entrenatzen.
Horrela, hilaren 31 baino lehen kirol instalazioetan alta ematen duten pertsonek %100eko deskontua izango dute abonu orokorraren modalitatean izena emateko matrikularen kostuan, 3 eguneko doako proba barne, instalazioak probatu eta erabakitzeko.
Galtzarabordako Udal Kiroldegia eta Fanderiako Igerilekua kalitate handiko kirol esperientzia eskaintzeko diseinatu diren instalazio osoak direla nabarmendu dute udaletik, “Beren zerbitzuen artean, fitness areto zabala nabarmentzen da, kardio, indar eta entrenamendu funtzionalerako gune berezituekin, igerilekuekin eta spa gune bikainarekin. Kirol eskaintza eskola gidatuen programa zabal batekin osatzen da, tonifikazio, indoor ziklo, koreografia eta gorputz-buru jarduera klaseekin. Horri guztiari padel pistak bezalako zerbitzuak gehitzen zaizkio”.
Gainera, kirol instalazioak leku ezin hobea direla familientzat ere adierazi du, “abonu bereziak eta haientzat diseinatutako zerbitzuak eskaintzen baitituzte, hala nola haurrentzako jolas-eremua eta haurren igeriketa-eskola, eta, hala, aukera ematen du helduek eta haurrek bizitza aktiboaz eta osasungarriaz goza dezaten ingurune dibertigarri batean”.
Izen-emateak eta informazio gehiago
Alta berriak aurrez aurre egin daitezke kiroldegietako harreretan, edo online, webgune honetan.
Informazio gehiago eskatzeko eta sustapenaren gainerako baldintzak ezagutzeko, Galtzarabordako Udal Kiroldegiko (943 449 690) eta Fanderiako Igerilekuko (943 344 423) harrerekin harremanetan jar daitezke interesa dutenak.
