Militantzia, sasia eta muga Gaztañon, 'Negu hurbilak' filmarekin
Gaztañoko auzo lokalak hartuko du film emanaldia; ondoren zuzendari eta aktore batekin solasaldia izango da.
Hitzaldi zikloarekin bete-betean jarraitzen du Gaztañoko auzo lokalak. Oraingoan, ikus entzunezkoen alde egin du, eta zehazki Negu hurbilak filma aukeratu du, militantzia, sasia, muga eta mugalarien gaineko hausnarketa mahai gaineratzeko.
2024koa de pelikula isolamenduaz, itxaronaldiaz eta nortasunaren irrikaz mintzo da filma , Euskal Herriak bizi izan duen gatazka luzea amaitzear dela, 2011n. Testuinguru horretan ihesi doa neska gazte bat. Helburu argia du muga pasatzea, eremu segurua ez den bere etxetik, sorterritik, urrun eramango duelako. ihesean doala, Zubietara iritsiko da. Mugako herri horretan, mitoek eta gaur egungo gatazkak bat egiten dutela dirudi. Herriko etxe bateko ganbaran ezkutatuta, harria bezain mugigaitza den hango egunerokotasunaz jabetzen hasiko da.
Fikziozko film luzearen atzean, Negu Kolektiboa: Ekain Albite, Adria Roca, Nicolau Mallofre, eta Mikel Ibarguren Zuzendaritzan eta gidoia ontzen, azken horretan, Xalba Ramirez batu zitzaien. Ekoizpenean berrizm, Maluta Films eta Cornelius Films. Protagonistaren paperean, Jone Laspiur.
Ostiralarekin izango da emanaldia, hilaren 23an, 19:00etan hasita auzo lokalean. Filma eman ondoren, solasaldirako tartea zabalduko dute zuzendarietako batekin eta aktore batekin.
