Herri Arte Eskola eta Ereintza, euskal dantzaren erritmoan
Emanaldia eskainiko dute bi eragileek igandean, hilak 25, Niessen Kulturgunean.
Ereintza eta Herri Arte Eskolako kideak aurreko emanaldi batean. Euskal dantza tradizionalean ardaztutako emanaldia eskainiko dute Herri Arte Eskolak eta Ereintza Dantza Taldeak elkarlanean, hurrengo igandean (hilak 25)Niessen kulturgunean egingo dute emanaldia, 18:30ean hasita. Errepertorio landua eramango dute agertokira eta zuzeneko musikarekin lagunduta egingo dute emanaldia, transmisio proiektuaren barruan. Izan ere, Herri Arte Eskolako dantzako ikasleak Ereintza Dantza taldera igarotzen dira 18 urte betetakoan.
Euskal lurraldeetako hainbat dantzekin ondu dute ikuskizuna eta, egokien moldatzen zaizkien instrumentuekin lagunduko dituzte.
aurten izango du emanaldiak berezitasunik, dantza garaikideko ikasleak batuko baitira. Euskal dantzako ikasleekin batera bi koreografia dantzatuko dituzte. Koreografia horiek Atlantikaldirako sortu zituen Herri arte Eskolak, eta orain egokituta ekarriko dituzte modu bateratuan emateko.Herri Arte Eskolako ikasle txikienek ere izango dute lekua igandeko emanaldian.
Sarrera doakoa da, eta gonbidapenak Lekuona Fabrikako sarreran edo web orrialdearen bidez eskura daitezke (klik hemen), bihartik (hilak 20) aurrera; pertsonako bi sarrera eskuratu ahalko dira.
