Ez da Inauteririk, bazkaririk gabe
Arrakastatsua da Inauterietako bazkaria. Aurten otsailaren 14an egingo dute eta txartelak larunbatean /hilak 31/ jarriko dituzte salgai.
Gertu dira Inauteriak eta batzordeko kideak buru belarri ari dira lanean egitaraua ontzeko. Bada urtero hutsik egiten ez duten ekintzak, eta horietako abat d, oso arrakastatsua gainera, herri bazkaria. Aurten ere adin guztietako herritarrek elkarrekin bazkaltzeko aukera izango dute, otsailaren 14an, 14:00etan Merkatuzarren.
Bazkariko txartelak aurki jarriko dituzte salgai; datorren larunbatean, hilak 31 eta otsailaren 7ra arte (lehenago agortu ez badira) egongo dira salgai Lekuona Fabrikako kantinan eta, bertan, pertsona bakoitzak 10 tiket erosi ahal izango ditu gehienez ere.
Prezioei dagokienez, 17 euroko kostua izango du helduen menuak eta 11 eurokoa, berriz, haurrenak. Halaber, menu beganoa aukeratu ahalko du hala nahi duenak; horretarako, helduen tiketa erosi eta mezua bidali beharko du interesdunak posta elektronikoz klik hemen otsailaren 7a baino lehen aukera hori adieraziz.
Herritarrak bazkarian parte hartzera animatu dituzte eta era berean, aurtengo inauterien gaia den Tim Burton oinarritzat hartuta, mozorrotuta bertaratzeko deia egin diete.
Menuak
Helduentzako menua: 17 €
Entsalada mistoa
Txerri saiheskia parrillan
Baserriko oilaskoa parrillan
Eceizako pasteltxoak
Kafea
Edariak
Menu beganoa: 17 €
Entsalada mistoa
Barazki menestra
Lasagna beganoa
Tarta beganoa
Kafea
Edariak
Haurrentzako menua: 11 €
Iberikoak
Urdaiazpiko kroketak
Hanburgesa parrilan patatekin
Txokolatezko tarta
