Sergio Izquierdo komikilariak bi lan aurkeztuko ditu Lekuona Fabrikan
Bihar, osteguna, 'Demasiado en juego' eta 'Gamonal: en el eco de un mismo recuerdo" lanak aurkeztuko ditu 18:30ean hasita.
Sergio Izquierdo Betete komikigileak bi lan aurkeztuko ditu lekuona Fabrikan.Tebeosfera Komikiak lehen lerroa hartuko du Lekuona Fabrikan bihar, hilak 5, osteguna. Sergio Izquierdo Beteta (Burgos, 1980) komiki gidoilariak bi lan aurkeztuko ditu bertan, 18:30ean hasita: Demasiado en juego eta Gamonal: en el eco de un mismo recuerdo. Bi komikietan gizarte gaiak jorratzen ditu Izquierdok. Demasiado en juego (Koniec Comic 2025) lan laburrean gazteen ludopatia eta apustu areto berrien zabaltzea ditu hizpide, baita horren kontrako auzotarren protestak ere. Gamonal komikian (La oveja roja, 2021) berriz, Burgos hiriko izen bereko auzoak bizi izan zuen eztanda soziala irudikatzen du, gatazka ikertzera datorren soziologia ikasle baten begiradatik.
Bi komikietan Maria de Lafuentek egin ditu ilustrazioak.
Izquierdok beste hiru lan ditu argitaratuta, Memorias del hombre pajaro, Y llego la tormenta eta La hija del verdugo. Historialaria eta irakaslea da lanbidez Izquierdo. Hezkuntza esperientzia horietan guztietan komikia erabili du baliabide pedagogikoko berrikuntza proiektuen bidez.
Aurkezpena gaztelaniaz izango da, eta komikiak erosteko aukera izango da bertan.
