Kuestazioa herritar guztien eskuetara heldu dadin
HITZAk jarraipen berezia egiten du Ihoteetan, baina ezin du auzo guztietan egon. Kuestazioa magikoa da, eta polita da irudiak biltzea. Horregatik, HITZAk herritarrei eskatzen die Kuestazioko irudiak bidal ditzaten gero denak argitaratu eta bizilagun guztiek ikus ditzaten.
Bihar lehertuko du festak Oiartzunen. Ihoteak hasiko dira, eta herria aztoratu egingo du. Jai giroa izango da nagusi ostiraletik igandera bitartean, eta hitzordu bereziak izaten dituzte herritarren egun horietan; horren adibide da Kuestazioa. Larunbat goizean (hilak 7) da Kuestazioa, eta auzo bakoitzeko herritarrak kalera aterako dira, elkarrekin.
Oarsoaldeko HITZAk Ihoteen jarraipen berezia egiten du, eta Kuestaziora ere joaten da, baina ezinezkoa da auzo guztietan egon eta irudiak biltzea. Alabaina, jakin badakigu polita dela une berezi horietako irudiak gordetzea, eta horrexegatik gonbidatzen ditu HITZAk auzo guztietako bizilagunak Kuestazioko irudiak bidaltzera. Hartara, denak bildu, eta astelehenean bertan argitaratuko ditu denek eskura izan ditzaten.
Horretarako, bidali irudiak oiartzun@hitza.eus helbidera edota 678 68 71 21 zenbakira zein auzotako irudiak diren zehaztuz.
Ihoteak 2026
Otsailak 6, ostirala
• 15:00. Burrunba! Ihoteei deia!, Beheko plazako biribilgunetik.
• 16:45. Txokolatada Done Eztebe plazan.
• 18:30. Herri dantzak.
• 19:00. Azeri dantza eta sorgin dantza.
• 19:30. Intxixu, Basandre eta Sorginek plaza hartuko dute.
Otsailak 7, larunbata
• 09:00etatik aurrera. Kuestazioa egingo dute herriko zortzi auzoetan.
• 14:30. Ordu horren bueltan bazkaria egingo dute auzoetako taldeek.
• 18:00. Auzoetan ibilitako kuadrillak Done Eztebe plazan elkartuko dira.
• 18:30. Ihote berbeneroa. Ondoren, musika eta festa giroa Kataxuloko txosna inguruan.
Otsailak 8, igandea
• 09:00. Diana txistulariekin.
• 11:00. Beheko plazatik Karroxa eta kalejira alaia.
• 19:00. Intxixu, Basandre eta Sorginei agurra egingo zaie Done Eztebe plazan.
• Bukatzeko, suzko akerra Done Eztebe plaza inguruan.
