Elizaldek dantzan jarri du Madalensoro

Elizaldeko ikasleek inauterietako jaialdia egin dute gaur eguerdian Madalensoron. Dantza, parrak eta algarak izan dira nagusi frontoian.

Leire Perlines Apalategi

Oiartzun

2026/02/13

Elizaldeko ikasleek handira ospatu dituzte gaur inauteriak. Urtero egiten duten jaialdia izan da protagonista Madalensoron, eta arrakastatsua izan da berau, ikasle zein irakasleak adi-adi egon baitira ikaskideen emanaldiei begira.

Irakasleen txanda izan da lehenik, eta dantza eginez ireki dute emanaldia. Gero, baina, maila guztietako ikasleak atera dira antzerkia egitera. Gainera, denetarik ikusteko aukera izan da frontoian: dantza, kantua… baina, batez ere, giro ona. Dozenaka ikus-entzule elkartu dira bertan, eta goxo egin diote aurre kanpoan zegoen giro kaxkarrari.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.