San Pedroko Esnabide kalea asfaltatuko dute
Udalak Esnabideko zenbait gune asfaltatuko ditu, bi fasetan. Lehena gaurko 22:00etan hasiko da, barrutiko biribilgunean. Aurreikuspenen arabera, biharko 06:00ak baino lehen bukatuko dituzte jarduketak.
Pasaiako Udalak San Pedroko Esnabide kaleko zenbait gune asfaltatuko ditu. Lanen lehen fasea gaurko (hilaren 26ko) 22:00etan hasiko da, barrutiko biribilgunean. Lehenik, fresaketa lanak egingo dituzte, asfaltatzearekin bukatzeko. Aurreikuspenen arabera, biharko (hilaren 27ko) 06:00ak baino lehen bukatuko dituzte jarduketa horiek.
Bigarren fasean, oraindik zehaztu gabeko datan, Esnabide kaleko 12. eta 18. zenbakien arteko zatia eta Serafin Esnaolaren zati bat asfaltatuko direla aurreratu du udalak. Lan horiek eguraldiaren menpe daudela jakinarazi du udal erakundeak, jarduketak behar bezala egiteko beharrezkoa baita eguraldi ona egitea.
Gaur gauean hasiko diren asfaltatze lanek ez dute barrutiko trafikoa etengo, eta kontratatutako enpresako langileak arduratuko dira trafikoa zuzentzeaz.
