Aldundiko diru funtsetik, aurreikusitakoa baino 2,7 milioi gehiago Oarsoaldera

Gipuzkoako Foru Aldundiko Udalen Finantzaketarako Foru Funtsetik aurreikusiak zeudenak baino 2.770.772 euro gehiago iritsiko dira lau herrietara

Urko Etxebeste Petrirena

Errenteria-Orereta,Lezo,Oiartzun,Pasaia

2026/02/27

Albiste onak Oarsoaldeko udaletako diru kontuentzat. Gipuzkoako Foru Aldundiko Udalen Finantzaketarako Foru Funtsetik aurreikusiak zeudenak baino 2.770.772 euro gehiago iritsiko dira lau herrietara. Aldundiko ogasunak itxi berri ditu 2025eko kontuak eta horien likidazioa egin du. 2025ean uste baino diru gehiago bildu duelako, etekin horren zati bat udalek ere jasoko dute foru funtsaren bitartez. Udalen finantzaziorako iturri nagusienetakoa da funts hori.

Herrietan bizi diren biztanleen araberako diru banaketa egiten du aldundiak foru funtsaren bidez. Beheko zerrendan, aldunditik 2026an Oarsoaldeko udalerriek jasoko duten diru kopurua, eta parentesi artean hasierako aurrekontutik izan den gehikuntza. Aldundiko funtsetik datorren dirua udalen aurrekontu osoaren %40-%50 ingurukoa da, herriaren arabera.

Errenteria-Orereta: 36.705.574 (+1.521.247). Errenteriako Udalaren 2026rako aurrekontu osoa: 72.900.000.
Pasaia: 14.854.323 (+615.631). Pasaiako Udalaren 2026rako aurrekontu osoa: 30.612.901 euro
Oiartzun: 9.656.354 (+400.203). Oiartzungo Udalaren 2026rako aurrekontu osoa: 22.831.411 euro.
Lezo: 5.638.635 (+233.691). Lezoko Udalaren 2026rako aurrekontu osoa: 11.023.000 euro.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.