Korrikaren lekukoa, esku onetan
Antxoko 24. Korrikaren lekukoa hartu behar dutenek agerraldia egin zuten larunbatean, Errigoraren produktuak dastatu ondoren.
Lekuko eramaileen irudi orkorra.Txirrita AEK Hilaren 19an hasiko da 14. Korrika Atharratzen. Antxotik hilaren 25an pasako da, bitan gainera: 08:25 inguruan Herreratik Antxora iritsiko da, lekuko aldaketa batzuk bertan egingo ditu, eta ondoren Errenteria-Oreretaratz abiatu. Oarsoaldeko herri populatuenetik bira eman, eta berriz ere Antxora itzuliko da 09:05ak aldera, Donostiarako bidearekin jarraitzeko. Beraz, Txirrita AEK-ko kideak bitan pasako den 24. Korrikaren gainekoak bideratzen ari dira, tartean, lekukoen eramaileen koordinazioa lantzen. Larunbatean, lekuko eramaile horien topaketa egin zen Gure Zumardian.
Hasteko, Errigoraren produktuen dastaketa egin zuten. 24. Korrikaren omendua baita Errigora. Jaki eta edari goxoak dastatu eta gero, argazkien txanda iritsi zen. Hala, lehenik eta behin lekukoak eramango dituztenen bakarkako argazkiak atera ziren (taldeak, eragileak, alderdi politikoak eta udala horien artean), eta ondoren, albiste honetan ikus daitekeen argazki orokorra. Esku onean izango da 24. Korrikaren lekukoa.
